“PD ka kapur FSDKSH-në. Dashnorja e …..”/ Qytetarja ankohet në email-in e kryeministrit: Po na bëjnë presion

Sulmit kibernetik të pak javëve më parë nuk i ka shpëtuar as adresa zyrtare e e-mailit të kryeministrit Edi Rama.

Faqja “Homeland Justice” e quajtur ndryshe “Drejtësia e Atdheut” ka publikuar disa nga e-mailet e mbërritura në adresën e  kryeministrit Rama, ku nuk mungojnë as denoncimet nga ana e punonjësve të administratës të cilët ankohen për eprorët e tyre.

Një nga denoncimet më interesante është ajo e një punonjëseje të FSDKSH-së (Fondi i Sigurimit të Detyrueshëm të kujdesit Shëndetësor), e cila thekson se ky institucion po drejtohet nga njerëz të Parisë Demokratike dhe familjarë të zyrtarëve të lartë të saj siç janë ata të Flamur Nokës.

Sipas denoncuese i gjithë institucioni është i kapur nga familjarët e zyrtarëve të PD, të cilët përveçse nuk bëjnë asnjë punë, ushtrojnë presion mbi administratën.

/Gazeta Shqip